३ दिन राष्ट्रिय शोक मनाइने

 

बाढी पहिरोले गरेको धनजनको क्षतिप्रति दु:ख व्यक्त गर्दै सरकारले असोज १५, १६ र १७ गते तीन दिन राष्ट्रिय शोकको घोषणा गरेको छ ।

प्रधानमन्त्री केपी शर्मा ओली अमेरिकाबाट फर्केलगत्तै हिजो बालुवाटारमा बसेको बैठकले उक्त निर्णय गरेको हो ।

राष्ट्रिय शोकको समयमा सार्वजनिक विदा हुने छैन तर सरकारी कार्यालयहरुको झण्डा आधा झुकाइनेछ ।  

सोही बैठकले  प्रधानमन्त्री दैवीप्रकोप राहत कोषमा सरकारले १ अर्ब रुपैयाँ दिने निर्णय पनि गरेको छ । उक्त कोषमा प्रधानमन्त्री र मन्त्रीहरुले एक महिनाको तलब दिनेछन् ।

यसअघि नै बागमती प्रदेश सरकारले बाढी पहिरो र डुबानमा परेर मृत्यु भएकाका परिवारलाई प्रतिमृतक २ लाख रुपैयाँ उपलब्ध गराउने निर्णय गरिसकेको छ । उक्त राहत प्रदेशभित्र स्थायी बसोबास गर्ने मृतकका परिवारलाई तत्कालै दिइने छ ।

–यो पनि पढ्नुहोस्

बाढी पहिरोको विध्वंश र सिक्न नसकेका पाठ