साँस्कृतिक कार्यक्रम सफल पार्न साइकल र्‍याली

आगामी कार्तिक ९ र १० गते हुने ४३ औं नेपाल भाषा साहित्य तःमुंज्या तथा सांस्कृतिक कार्यक्रमलाई सफल पर्ने हेतुले तःमुंज्या साइकल -याली गरिने  भएको छ।

साइकल -याली असोज २७ गते शनिबारका दिन बिहान ६ बजे हुने र त्यसका लागि असोज   २५ गतेसम्ममा नाम दर्ता गरिसक्नुपर्ने जानकारी आयोजकले दिएका छन् । साइकल यात्राको सुरुवात यस पटकको तःमुंज्या आयोजना हुने स्थान ल्यसिंख्यबाट हुनेछ। ४३ कि.मी दूरीको उक्त साइकल र्‍याली भक्तपुरको तःमुंज्या ग्वसाखलः (ल्यसिंख्य) बाट सुरू भई जगाती, च्यामासिंह, दत्तात्रय, गोल्मढी, सुकुलढोका, तःमार, नासमना, भार्वाच्व, च्वङा गणेश, राधे राधे, शंखधर चोक, बालकुमारी, बहाखा बजार, सानोथिमी, पेप्सीकोला, जडीबुटी, कोटेश्वर, तीनकुने, बानेश्वर, माइतीघर, भद्रकाली, शहीदगेट, न्युरोड गेट, बसन्तपुर, मरू, जैसीदेवल, लगन, भोटेबहाल, टेकु, त्रिपुरेश्वर, थापाथली, कुपण्डोल हुँदै पाटन ध्वाकासम्मको बाटो हुँदै अघि बढ्नेछ  र न्याखचुक पुगेपछि नेवाः समयबजि कार्यक्रम हुनेछ। त्यसैगरी न्याखचुकबाट पाटन, बंगलामुखी, स्वथा, मंगलबजार, सौगल, ग्वार्को, इमाडोल, सिद्धिपुर, लुभु, सिरूटार, चित्रपुर, गाम्चा, पाण्डुबजार, सुर्यविनायक, राममन्दिर, गःहिती हुँदै उक्त साइकल र्‍याली ल्यसिंख्य नै पुगी समापन हुनेछ। साइकल -यालीमा सहभागी हुने इच्छुकले रू २०० को सहयोग गर्नुपर्नेछ र अनलाइन फारम भर्नुपर्नेछ। गोर्खा इको प्यानलले प्रायोजन गरेको सो साइकल यात्राका लागि प्राविधिक सहयोग जुजु बाइक्सले गर्ने र त्यसैगरी सहयोगी संस्था साइकल कनेक्ट भक्तपुर हुने तःमुंज्याका आयोजकले जानकारी दिएको छ।

“जनता म्वाःसा भाषा म्वाइ” भन्ने नाराका साथ विगत ४३ वर्ष देखि नेपाल भाषा सहित्य सम्मेलन तथा साँस्कृतिक कार्यक्रम र अन्य गतिविधिहरू भक्तपुरका विभिन्न स्थानहरूमा बर्सेनी हुदैँ आएको छ। जनताको साहित्य र संस्कृति उत्थानको साझा प्रयासमा टेवा पुर्‍याउने उद्देश्यका साथ त्यस किसिमका कार्यक्रमहरु हुँदै आएका हुन् । सोही अनुरुप यस वर्ष ४३औं नेपाल भाषा साहित्य सम्मेलन तःमुंज्या तथा सांस्कृतिक कार्यक्रम भक्तपुरको ल्यासिंख्य टोलमा कार्तिक ९ र १० गते बिहान ११ बजेदेखि हुने भएको आयोजकले जानकारी दिएको छ ।