निनु चापागाई पुरस्कृत

मार्क्सवादी सौन्दर्य चिन्तक तथा वरिष्ठ समालोचक निनु चापागाई तारा स्मृति पुरस्कारद्वारा सम्मानित भएका छन् ।

सौन्दर्य चिन्तक/विचारक तथा मार्क्सवादी समालोचक प्राडा ताराकान्त पाण्डेको स्मृतिमा स्थापित उक्त पुरस्कार पाउने चापागाई पहिलो स्रष्टा हुन् । इच्छुक सांस्कृतिक प्रतिष्ठानद्वारा प्रदान गरिने उक्त पुरस्कार यसै वर्षबाट प्रदान गर्न थालिएको हो ।

विगत पाँच दशकभन्दा बढी समयदेखि मार्क्सवादी समालोचनाका क्षेत्रमा क्रियाशील चापागाईको मौलिक र अनुवादित गरी दर्जनौं कृतिहरु प्रकाशित छन् ।