इतिहासकार ज्ञानमणि नेपालकाे निधन

तस्विर: सुन्दर वस्नेत/दायित्वबोध

इतिहासका उद्भट विद्वान प्राज्ञ ज्ञानमणि नेपालको ९१ वर्षको उमेरमा मंगलबार निधन भएको छ ।

मुटु रोगको समस्याको कारण उनको मनमोहन कार्डिओभास्कुलर एण्ड ट्रान्सप्लान्ट सेन्टरमा उपचार भइरहेको अवस्थामा निधन भएको हो ।

नेपालको प्राचीन तथा मध्यकालीन इतिहासबारे गहन अध्ययन गरेका ज्ञानमणि नेपाल चर्चित इतिहासकार नयराज पन्तले स्थापना गरेका ‘इतिहास संशोधन मण्डली’ का सदस्य समेत थिए ।

ज्ञानमणि नेपालले इतिहाससम्बन्धी थुपै्र पुस्तकहरु समेत लेखका छन् । उनले लेखेका ‘नेपालको महाभारत’ चर्चित पुस्तक हो । त्यसबाहेक उनका नेपाल निरुक्त, नेपाल र चीन–तिब्बत सम्बन्धः समीक्षात्मक इतहिास, नेपाल–भोट चीनसम्बन्धका केही साँस्कृति पक्ष, नेपाल–सुखीम सम्बन्धः १८३१–१९०७, पृथ्वीन्द्रोदय लगायत थुप्रै पुस्तकहरु प्रकाशित छन् ।