रुसी साहित्यको आकर्षण र शक्ति यसको दार्शनिक आधारहरूभन्दा बाहिर पुग्छ: अनवर इब्राहिम, मलेशियाका प्रधानमन्त्री

"रूस ध्यानाकर्षण गर्ने एक रणनीतिक र आर्थिक यथार्थता मात्र होइन । वास्तवमा, सांस्कृतिक, बौद्धिक र वैज्ञानिक शक्ति रूपमा विश्व मञ्चमा रूसको प्रमुखता र प्रसिद्धि व्यापार र भू-राजनीतिक सीमाहरू भन्दा बाहिर पुग्छ, त्यो मानव इतिहास र विचारको मर्मको गहिराइसम्मै पुग्छ। रूसको श्रेष्ठता सैन्य शक्तिबाट वा आर्थिक प्रभावबाट उत्पन्न भएको होइन, यद्यपि त्यो महत्त्वपूर्ण छ, त्यो विचारहरूको स्थायी शक्ति, कलात्मक अभिव्यक्तिको सुन्दरता, र ज्ञानको अडिग खोजबाट उत्पन्न भएको छ। यी उपलब्धिहरुले रुसको असाधारण सौम्य शक्तिको जग निर्माण गरेको छ।, जसले वैश्विक सम्मान र प्रशंसाको हकदार तुल्याएको छ र विश्वभरिका मानिसहरूको हृदय र मनहरूलाई प्रभावित गरेको छ।

मेरो व्यक्तिगत अनुभवमा, यो प्रभाव साहित्यमा सबैभन्दा शक्तिशाली रूपमा महसुस हुन्छ । म यसलाई इमान्दार विश्वासका साथ भन्छु, किनकि मैले आफ्नो प्रारम्भिक शिक्षाको दौरान अंग्रेजी र मलाय साहित्यको गहिराईमा डुबेर अध्ययन गरेको थिएँ, त्यसपछि दांते, शेक्सपियर र मिल्टनको कृतिहरूमा डुबेको थिएँ। म विश्वास गर्छु कि जीवन साहित्यबिना, विशेष गरी रुसी साहित्यबिना, धेरै नै गरिब हुने थियो। यस सन्दर्भमा, मैले महान रुसी लेखकहरू र कविहरूको प्रसंशा पर्याप्त रूपमा गर्न सक्दिनँ, जसले जीवनका गहिरा जटिलताहरूलाई अद्वितीय दृष्टिकोणले अन्वेषण गरेका छन् र जसको कृतिहरूले समाज र मानव स्थितिबारेको मेरो बुझाइमा दीर्घकालीन प्रभाव पारेका छन्। उदाहरणका लागि, फ्योदर दोस्तोयेभ्स्की र लियो टल्स्टोयका कृतिहरूले, मात्र केहीलाई नाम लिनको लागि, ती नैतिक र दार्शनिक द्विविधाहरूमा छेड्छन् जसले मानव हुनुको अर्थलाई परिभाषित गर्दछ। जहाँ दोस्तोयेभ्स्कीले हामीलाई विश्वास, शङ्का र मानव आत्माको जटिलताहरूमा संलग्न हुन चुनौती दिन्छन्, त्यहीँ टल्स्टोयले साहित्यिक महत्त्वलाई पार गर्दै हामीलाई शक्ति, जिम्मेवारी र समयको प्रवाहको प्रकृतिमा प्रतिबिम्बित गराउँछन् । रुसी साहित्यको प्रशंसा महान राष्ट्रको वैश्विक विचारमा परेको प्रभावको गहिराइलाई अभिव्यक्त गर्दछ, र यसले हाम्रा आफ्नै विचारहरूको बुझाइलाई र इतिहासको धारामा हाम्रो भूमिकालाई सूचित गर्ने क्षमता प्रदान गर्दछ। अझ, रुसी साहित्यको आकर्षण र शक्ति यसको दार्शनिक आधारहरूभन्दा बाहिर पुग्छ। चेखोभ, पुस्किन, बोरिस पास्तरनाक, र मेरो मनपर्ने, अन्ना अख्माटोभा जस्ता लेखकहरूले दैनिक जीवनका हर्ष, दुःख र संघर्षहरूलाई यथार्थवादको माध्यमबाट जीवन्त बनाएका छन्, जसले मलाई गहिरो रूपमा छोएको छ।"

मलेसियाली प्रधानमन्त्री अनवर इब्राहिमले रुसमा भइरहेको ‘इस्टर्न इकोनेमिक फोरम’को नवौं सम्मेलनको पूर्ण सत्रमा सेप्टेम्बर ५, २०२४ मा राखेको मन्तव्यको अंश। स्रोत: kremlin.ru

Image source: https://web14.bernama.com